يا جـــمـــاعـــة أنــــا مش مــيـــت!!!!
قمت من النوم فجأة
في عيني نور غريب وقوي جدا
أستغربت النور ده كله جي منين
واندهشت لما لقيت الساعه بتشاور على 3 صباحا
وأن مصباح الغرفة مطفي
طيب النور ده كله جي منين
وانفزعت لما لقيت نص ايدي جو الحيطه
شديتها بسرعه
خرجت
وانا ببصلها بكل اندهاش
رجعتها تانى لقيتها دخلت جوه الحيطه
استغربت ايه اللى بيحصلي ده
وسمعت صوت ضحك
بصيت نحيته
لقيت اخويا نايم جنبي
ولقيته بيحلم
بيحلم انه راكب عربيه اخر موديل
وانه رايح حفلة كبيره قوي
لناس اغنياء قوي
وانه لابس اغلى واشيك لبس
عشان يكون احلى واحد فى الحفلة
وكان بيضحك
وفرحان
ابتسمت(بس انا عرفت هو بيحلم بأيه ازاى!!!!!)
بعدين اتفزعت من اللى بيحصل
وقمت من على السرير
وجريت على غرفة امي وابي
قعدت اصحى فى امي واطبطب عليها
وانديها بس هى مش بتستجيب
قعدت انديها كتير واطبطب كتير
ولقيتها فجأه قامت
كانت مخضوضه قوي
وبتبص يمين وشمال
قولتلها يا ماما انت مش شيفانى
لقيتها مش بترد
ولا بتبصلي
قعدت أنادى
ماما
ماما
كانت حاطة ايدها على قلبها
وبتقول بسم الله الرحمن الرحيم
لقيتها بتطبطب على بابا وبتصحيه
ولما قام
قالت له قوم نطمن على الاولاد
قالها ده وقته
قالتله معلش قلبي مش مطمن
في حاجه غريبه
وانا واقف مستغرب
قعدت اقولها يا ماما
انا اهو يا ماما
انت مش شيفانى
ياماما
قامت ومشيت
حاولت امسك هدومها لكن الهدوم مش بتتمسك
جريت وق فت قدمها
عدت من جوايا
ملقتش غير انى امشي وراها
وبابا كان ورايا
محاولتش ابص له
عشان ما يتجاهلنيش برضه
ودخلت امى الغرفة وفتحت النور
مكنش عندى
فرق لأن الدنيا كانت منورة اصلا
انفزعت لما لقيتنى نايم على السرير
وقعدت ابص لجسمى وايدى وانا مستغرب
انا ازاي بقيت اتنين
انا مين
ومين اللى نايم على السرير ده ان مكنش انا
وقطع استغراب
ي
جملة بابا "استريحتى يا ستى اهم نايمين اهو "
لكن هي قالتله معلش
انا عاوزه اطمن على عمرو
ولقيتها بتقرب مني
قصدى من الشخص اللى نايم مكانى
وبتطبطب عليه
كانت بتقوله اصحى يا عمرو
لكن هو مش بيرد
وكانت بتطبط بشويش
وبدأت تهزه جامد
جريت عليها
وقلتلها يا ماما انا اهو
ردي عليا
لكن صوتها كان بيزيد خوف وكان بيعلى
كانت بتنادي
عمرو
عمرو
وفجأة صرخت ولقيت الصرخة بتوجعنى قوي
كانها بتضربنى
بكيت
وقلتلها ما تصرخيش
وهى بتقول عمرو
وبابا جري علي وحط ايده على وشى وصرخ وبكى
وحسيت بالوجع تانى
والبكاء بيزيد وانا مش عارف اعمل ايه
صحي اخويا على الصوت وهو بيسأل في ايه
ماما صرخت
اخوك مات يا
احمد
مات
وانا بقولها ببكائي لأ وا لله
ياماما
انا أهو شوفيني شوفينى
انت مش سمعاني
لكن ما فيش امل
بصيت للسما وقلت يارب ايه اللى بيحصل ده
لكن ما لقتش سقف
وشفت ناس
ولما شوفتهم
مشيوا
وحسيت بطعنه غريبه
وحجات بتقطعنى بصيت لأحمد لقيته بيصرخ
قلتله اسكت انت بتعذبني
لكنه كان بيزيد فى الصراخ
وماما بتبكي فى حضن بابا
والنحيب بيزيد
وقفت قدمهم عاجز
ومذهول
رفعت راسي تانى
وقلت يارب
ايه اللى بيحصل يارب
فى ايه
وسمعت صوت من كل حته
كان جي من بعيد
ركزت معاه
لقيته بيعلا
وبيزيد
كأنه قرآن
أيو� � قرآن
والصوت بدأ يقوى
يقوى قوي
هزنى من شدته
كان بيقول
لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ
فَبَصَرُكَ الْيَوْمَ حَدِيدٌ
وفى زهول الصوت
لقيت ايدين بتطبق عليا
اتنين شكلهم مش من البشر
بيقوليلى تعالى
قلتهم انتم مين
وعاوزين منى
ايه
شدونى
صرخت
سيبونى
ما تخدونيش من اهلى
اهلى فكرنى مت
قالولى ما انت مت فعلا
قلتلهم ازاي
ما انا شايف اهو وبتكلم وحاسس بكل حاجه
ابتسموا وقالوا
عجيب امركم يا بشر كلكم فاكرين ان الموت نهايه الحياة
و� �ا تعرفوش ان حياتكم موت
وحلم طويل هتصحوا منه على اليوم ده
على العالم ده
سألتهم انا فين وانتو واخدنى على فين
قالولي احنا حراسك لحد القبر
اتفزعت
قبر ايه
انتوا هتدخلونى القبر
ردوا
كل انسان لازم يدخل القبر
بس انا عمرى ما دخلت القبر
ده مكتوب على كل البشر
طول عمرى كنت بكره الكلمه دي
مبحبش اسمعها بستعيذ بالله منها بحاول انسها
مكنتش بقدر اتخيل نفسي فى المكان الصعب
ده
سألتهم بخوفي
هتسيبونى!!!!
قالولي مع عملك
طيب وعملى ده كويس
سكتم
و لقيت واحد بيصرخ وبيبكي و واحد تانى سعيد قوي
وكل واحد فيهم واقف معاه اتنين بردة زى اللى معايا
سألتهم ده بيبكى ليه
قالوا
ده عارف مصيره
طول عمرة كان من اهل الضلال
قلت
يعنى
رايح النار
واللي بيضحك ده رايح الجنه
طيب انا
رايح على فين
قولولي
ردوا عليا
هما كانو عارفين هما ايه فى الدنيا
ودلوقتى عارفين هما فين فى الاخره
وانت عشت طول عمرك
تايه
متردد
شويه تمشي صح وشويه تمشي غلط
شويه تتوب وترجع تعصي تاني
ما كنتش واضح
هتفضل بردة انهاردة تايه مش عارف حاجه
اتفزعت وقلت
ايه
يعنى ايه
انا رايح النار
قالو لى رحمة ربنا واسعه
ولسة الرحلة طويلة
بصيت وريا لقيت عمي
وابويا واخويا
ماشين وراهم امي واهلي
بيبكوا
شايلين صندوق
جريت عليهم
ناديت
محدش بيرد
ناديت على امى
قلتلها يا امى ما تبكيش
ادعيلى
ناديت على بابا
قلتله يا بابا
خلى بالك من امى واخويا
ناديت على احمد
قلتله يا احمد خلى بالك من نفسك سيبك من الدنيا ومتاعها
دى رخيصه اوى
صدقنى مش هتنفعك
ناديتهم كلهم
بس كانو مشغولين بالبكاء
ومحدش سامعنى
مكنتش بتمنى حاجه فى اللحظة دي
الا انهم يسمعونى
وشدنى
الملكين
ونزلونى القبر
ونيمونى فوق الجسد
عشان اشوف ابويا وهو بيرمى التراب عليا بنفسه
علشان اشوفهم وهما بيودعونى
وخوفى عليهم
انهم مش حاسين باللى انا حاسه
وحسدى ليهم انهم لسة فى الدنيا
بس للأسف
كنت ببكى وهما بيبكوا
كنت خايف عليهم من الدنيا قوى
واتمنى لو اصرخ ولو يسمعونى
وخرجم كلهم
وقفلوا الباب
والنور تحول سواد
(( اعمل للدنيا بقدر بقائك فيها
واعمل للآخرة بقدر بقائك فيها
واعمل لله بقدر حاجتك اليه
واعمل من المعاصي بقدر ما تطيق من العقوبة
ولا تسأل الا من لا يحتاج إلى أحد ))
القصه دى قالها شيخ وسمعتها فى
الكاسيت وقال حط نفسك فى
المكان ده
ده اللى انا عملته فى التوبيك
ياريت تحط نفسك انت كمان
وحاول تعمل حاجه
لأخرتك من دلوقتى
يارب يارب أكون قدرت أعمل
بيها خير وأنا دموعى فى عيونى
يارب أغفر لنا وأرحمنا اللهم
آميـــــــــــــــــــــــــــــــــن
السبت مارس 10, 2012 1:56 pm من طرف sasoo
» انزل يما
السبت مارس 10, 2012 1:31 pm من طرف احمد الرفاعي
» هواتف وايميلات كبار مشايخ المملكة العربية السعودية
الثلاثاء يوليو 06, 2010 6:36 am من طرف هاني يحيي
» اخر اخبار الرياضة جدو موضوع الساعة
الثلاثاء يوليو 06, 2010 6:32 am من طرف هاني يحيي
» ارمى العضو اللى انت عاوز من الطياره لما توصل لرقم7
الثلاثاء يوليو 06, 2010 6:16 am من طرف تريكه الشونى
» اسرع الطرق وافضلها لتعلم اللغة الانجليزية... ادخل لا يفوتك الموضوع!!!
الخميس يوليو 01, 2010 8:16 pm من طرف امل الديب
» سلسلة مقالات بعنوان حياته صلى الله عليه وسلم بإيجاز
الجمعة يونيو 25, 2010 9:25 am من طرف هاني يحيي
» الزمالك والاسماعيلي ومقايضة غريبة
الخميس يونيو 24, 2010 1:24 pm من طرف هاني يحيي
» مقاطع التعريف بنبي الرحمة صلى الله عليه وسلم
الأربعاء يونيو 16, 2010 6:54 am من طرف تريكه الشونى
» امونديال العالم ....واستعدادات الجنس الرقيق
الأربعاء يونيو 16, 2010 6:50 am من طرف تريكه الشونى
» تعارف اعضائنا
الأربعاء مايو 19, 2010 4:29 am من طرف تريكه الشونى
» (سلسة ما وراء الطبيعه كامله) سلسلة القصص التي اعشقها
الثلاثاء مايو 11, 2010 11:17 am من طرف احمد الرفاعي
» كلمات كتبها مجنون
الثلاثاء مايو 11, 2010 10:55 am من طرف احمد الرفاعي
» حماس توجة اتهام لمصر بسبب......................................
الجمعة أبريل 30, 2010 8:44 am من طرف هاني يحيي
» احمد عزفي مواجهة ساخنة مع البرادعي
الجمعة أبريل 30, 2010 8:38 am من طرف هاني يحيي
» 7 جرائم جنايات في يوم واحد
الجمعة أبريل 30, 2010 8:18 am من طرف هاني يحيي
» ما أصعب فراق الاحبة!!
الثلاثاء أبريل 27, 2010 2:08 pm من طرف هاني يحيي
» مكياج يدخلك الجنة ان شاء الله
الثلاثاء أبريل 27, 2010 1:50 pm من طرف هاني يحيي
» أهتمامات الشباب وأختلااافها من شخص لأخر ,
الجمعة أبريل 23, 2010 3:42 am من طرف احمد الرفاعي
» حصة مصر في النيل في خطر
الثلاثاء أبريل 20, 2010 11:44 am من طرف هاني يحيي
» وزير التربية والتعليم يعيد التعليم لسابق عهدة
الثلاثاء أبريل 20, 2010 11:40 am من طرف هاني يحيي
» يوميات شاب بيحب بنت ستايل الحلقتين السادسه و السابعه
الإثنين أبريل 19, 2010 11:27 am من طرف احمد الرفاعي
» يوميات شاب بيحب بنت ستايل الحلقه الخامسه
الإثنين أبريل 19, 2010 11:09 am من طرف احمد الرفاعي
» قوانين قسم الاخبار والانباء العاجلة
الإثنين أبريل 19, 2010 7:50 am من طرف هاني يحيي
» سلسه ما وراء الطبيعه السلسه القصصيه التي اعشقها
الأحد أبريل 18, 2010 4:18 am من طرف احمد الرفاعي