(((قالى الوداع قلتلة اشطة عليك)))

قالى الوداع قلتلة اشطة عليك




ولا دمعه نزلت

ولا قلب انجرح

ولا وساده خاليه زي بتاعه عبد الحليم تمزقت من كتر التفكير في الحبيب الضائع

اصبحنا في عالم جاف خالي من المشاعر الحقيقيه

عالم اختفت منه الرومانسيه والصدق والوفاء


ناقش نفسك

كم مره وقعت في قصه حب ؟

وماذا تركت في نفسك من اثر ؟

هل علمت معك ؟

هل تركتك مهموم ومحطم ؟

" الاجابه في الاغلبيه لا "


الولد متفرقش معاه فلانه او علاته

والبنت اهو اي شاب لطيف وخلاص

هل نحن في عصر الجفاف في كل شيء حتي المشاعر

يحب الولد الفتاه ويمنيها سنين بالعش الجميل وعندما يكون قادر علي الزواج يزهب لوالدته تخطب له مجهوله لا يعلمها

مع ان المجهوله بيفتكرها معرفتش غيره

كانت بتحب واحد بردو وسابها لنفس السبب !!!!!

طيب مانت كان معاك الي ملكك والي مكنتش بتحب غيرك !!!!!

بس تعمل ايه في عصر اختفي منه المشاعر الصادقه !!!!


....................


لنلقي نظره علي حب دام اكتر من سنه


احمد : لولو سوري انا مش هاقدر اكمل معاكي

انا مضطر اسافر

لولو : طيب استناك

احمد : لا يا بيبي ممكن مش ارجع

لولو : طيب وحبنا

احمد : حب ايه بس يا بنتي هو انا لاقي اكل علشان احب واتجوز

لولو :يعني كنت بتهزر ومكنش حب!!!

احمد : لا طبعا كنت معجب ومازلت بس هاعمل ايه

لولو : اوك ربنا يوفقك


>

لا قلب اتحطم ولا عيون دمعت

احمد هيحب تاني وتالت

لولو هتحب او تستني العريس


...................


ونموذج تاني

تامر : نانسي انا مضطر اسيبك

نانسي : ليه يا تيتو

تامر : ماما جابتلي عروسه ولازم اتجوزها

نانسي : طب وانا

تامر : معلش يا نانو احنا بردو هنفضل صحاب

نانسي : انت شايف كده

تامر : سوري يا بيبي

نانسي : عادي ولا يهمك أي دونت كير

ههههههههههههههههههههههههههههههه

ولا عين بكت ولا قلب انجرح

ونماذج كتير

وانا متاكد انكم تعرفوا كتير عنها

وممكن تكونوا ابطالها


يلا الله يرحم زمن عبد الحليم

وروميو وجوليت

وكل قصص الحب الرائعه

واهلا بزمن الجفاف والفتور والعلاقات البارده الزائفه وقصص حب التيك اواي وحب اليوم الواحد وحب الشواطيء والنت وغيره!!!!!!!!

سورى يا مشمشة فى ناس بتحب بجدانتى خدتى الجانب السلبى بس فى ناس بتحب بجد وبتخاف على اللى بتحبة جدا وبتحافظ علية وبتكون النهاية زى الافلام الجواز هههههههههههه بس برضة فى ناس بتتسلى وبتبقى معروفة من الاول موضوع جميل طبعا
مشكوووووووووووووووووووووورة

يا عبدالرحمن انا ماقولتش كل الشباب بتتسلى او كل البنات بس بجد الجانب السلبى ده هو اللى بقى سايد اوىانا اعرف ناس كتير حصلهم الموقف ده وفعلا كانت نفس النهايه ولا دمعه حتى بتنزل قليل لما تلاقى حد بيحب بجد وانت قولت بنفسك ان بردو فى ناس بتتسلى ودول بقى كتير اوى  وعلى فكره الجواز مش نهايه الحب بالعكس دا بدايه وبيزيد الحب فيها مش بيقل ميرسى يا عبدالرحمن لمرورك نورتنى

الحمد لله انى لاقيت حد رأيه من رأيي ميرسى جدا لمرورك يا محمد 

انا متفق معاكي بس النمط اللي بتقولي عليه ده هو الشباب اللي عايشين و خلاص معندهمش معني للحب
THANK YOU 4 TOPIC

الحمد لله انك متفق معايا وعلى فكره اللى ميعرفش معنى الحب يعنى ميعرفش معنى الحياه لان الحياه من غير حب حقيقى متتعاش خالص ميرسى يا احمد نورت التوبيك

انا طبعا اعرف معنى الحب وبحب واحدة زميلتى بس انا متفق معاكى فى ان فى شباب و بنات بتسسلى بس ده مش بيبقى حب
علشان كده العلاقة مش بتستمر بينهم بس فى ناس بتحب بجد
وبتخلص للى بتحبة معاكى دول مش كتيير بس فى ناس كده
ميرسى على الرد تقبلى مرورى

ميرسى لمرورك يا عبدالرحمن وربنا يوفقك مع الانسانه اللى بتحبها 

الله عليك يا عبدو
غني وقسم يا معلم
شكرا ليكي يا مشمشه
و علي فكره دا مش نوري
تلاقيه نور اللمبه اللي عندكو

هههههههههههه واد يا احمد بطل استهبال
هههههههههههه الله يكرمك