آيه تزلزل القلوب

القرآن كله عظات وعبر ودروس لكن هناك آية استوقفتني وحبيت نتناقش فيها مع بعض الآية بتقول:

قال تعالى: حتى إذا جاء أحدهم الموت قال رب ارجعون لعلي أعمل صالحا فيما تركت كلا إنها كلمة هو قائلها ومن ورائهم برزخ إلى يوم يبعثون
يا الله الآية دي بجد عظيمة وقوية جدا تعالوا نشوف مع بعض
ربك بيقول حتى إذا جاء أحدهم الموت هنا يأتي إلى الأذهان سؤال:
هو الموت بيجي لينا؟
الإجابة نعم الموت بيجي لينا.
يااااه يعني تقصدى من كلامك ان مهما حاولنا نبعد عنه هو جاي جاي؟
والإجابة فعلا الموت جي جي.
لو تأملنا الآية ودقة اختيار الألفاظ في القرآن ربك بيقول حتى اذا جاء دا يثبتلك ان الموت بيجيلك في اي مكان وفي اي وقت وفي أي حال
يا خبر يعني الي بيسمع اغاني وماتبش اي مصيره؟ طب الي بيشرب سجائر اي مصيره؟ يا خبر دا في واحد كمان مبيصليش دا هيحصله ايه؟
يا الله دا في كمان واحد ناسي ربه خالص عمره مفكر يعبد ولا يتعلم دينه دا اي نهايته؟
يا ترى كل دول وغيرهم لما الموت يجي يا ترى هيقولو اي؟
ربك ذكر مثال من الموقف الرهيب الي احنا بنحكي فيه دا
قال تعالى: قال رب ارجعون.
يااااااااااه تخيلو شوفو نفسه في ايه دلوقتي بيوقل رب ارجعون
طب مانت كنت في الدنيا ليه بعدت؟
كنت بصحتك وقوتك ليه عصيت ومطعتش؟ ليه نسيت نفسك لغاية لما جي اليوم دا؟ لي مفكرتش في اليوم دا مع انك عارف كويس انه جي جي؟ ويا ترى بقى انت عايز ترجع ليه ناوي تعمل اي؟
ربك يقول: لعلي اعمل صالحا فيما تركت.
اااااااااه دا هو عايز يرجع عشان يعمل عمل صالح عشان ربنا يغفرله ويتوب عليه
اصل هو فاكر ان الموضوع لعبة وبالساهل فاكر انه يعمل الي هو عايزه وبعدين لما يقول عايز ارجع يروح ربنا مرجعه تاني
صحيح ربك غفور رحيم بس كان مستني منك توبة عشان تحقق معنى غفور رحيم.
يا ترى لما قال كدا كان جواب ربنا عليه ايه؟ يا ترى ربنا وافق ورجعه تاني؟ يا ترى الحياة رجعت ليه وبقى عبد صالح مطيع نادم خاشع؟ يا ترى رجع وساب الأغاني وساب المعاصي؟ تعالو نشوف كان الجواب اي:
قال تعالى: كلا انها كلمة هو قائلها ومن ورائهم برزخ إلى يوم يبعثون.
شفت الرد كان عامل ازاي عرفت ان الموضوع مش سهل
ربك جاوب وقال: لا دا هو بيقول كدا بس لكن دا فعلا لو عايز يعمل عمل صالح كان عمل وهو في الدنيا كان عمل يوم مفلان ذكره بالله وهو رفض كان عمل يوم مسمع الله اكبر وافتكر انها مش ليه كان عمل يوم مساب القرآن ومفتحوش كان عمل يوم مأبوه وامه بقو هيبوسو اديه عشان يهتدي كان عمل يوم مالشيوخ صوتهم اتنبح عشان ميبقاش في الموقف دا.
ربك بيقوله لا دا الكلمة دي كلمة بيقولها وخلاص دا يدل على ان العبد دا مصر تمام الإصرار على الذنوب لأن ربك عارفه اكتر مننا طيب يارب هو هيكون عقابه انه مش هيرجع وبس؟ ربك يقولك ومن ورائهم برزخ إلى يوم يبعثون
دا يثبتلك ان هو هيفضل في عذاب وعقاب لغاااااااااااية يوم القيامة ميجي والناس تبعث من جديد
ياااااااه على العذاب يااااه على العقاب وشوف ربك يتكلم بصيغة الجمع كأن ربك قصده يقول ان مش العبد دا بس لا دا كل الي هيعمل كدا هو كمان هيبقى مصيره كدا عذاب وعقاب أليم.
كدا الآية خلصت.
يا ترى بقى هل العاصي ناوي يتوب ولا هيستنا لما يقول رب ارجعون؟ يا ترى يا يالي بتسمع أغاني هتبطل ولا بتشاور عقلك
يا ترى يالي بتتفرج على حرام مصر بردو ولا غيرت رأيك ونويت ترجع؟ يا ترى يالي مبتصليش هتصلي ولا مستني لما تتحط في المأزق دا؟
يا ترى يا كل عاصي هترجع لربك تاني ولا انت حابب تقول: رب ارجعون؟
أحبابي ما أجمل طاعة الرحمن فليس لنا غيره وهو وحده الذي يملك أمورنا كلها.
دمتم في طاعة